Më 5 prill të vitit 1999, forcat serbe rrethuan fshatin Rezallë në Drenicë dhe disa fshatra përreth.
Ato u treguan të pamëshirshme ndaj popullatës së pambrojtur civile, duke ekzekutuar 98 prej tyre dhe duke djegur e plaçkitur shumicën e banesave.
Trupat e të vrarëve u morën nga forcat serbe dhe një pjesë e tyre u gjetën më vonë në një varrezë masive në Rashkë të Serbisë dhe iu rikthyen familjeve.
Pjesa tjetër e trupave vazhdon të jetë e pagjetur.
Masakra e Rezallës njihet si një nga më të rëndat ndaj popullatës civile shqiptare gjatë luftës së Kosovës.