Sipas gazetarit të njohur të merkatos, Fabricio Romano, Reali i Madridit ka vendosur tashmë pasuesin e Karlo Ançelotit në stolin madrilen. Bëhet fjalë për Ksabi Alonson, i cili ka konfirmuar largimin nga drejtimi i Bajer Leverkusenit në fund të këtij sezoni historik.
Romano raporton se Karlo Ançeloti do të nderohet me një ceremoni lamtumire në “Santiago Bernabeu”, përpara se të marrë drejtimin e kombëtares së Brazilit në muajin qershor.
Marrëveshja mes Realit të Madridit dhe Ksabi Alonsos pritet të zyrtarizohet në ditët në vijim, duke i hapur rrugë një epoke të re për “Los Blancos”.