Dy gola të Martin Odegard i dhanë një tjetër fitore Arsenalit në transfertën ndaj Ulverhemptonit. Topçinjtë e Londrës tashmë e shohin veten të shkëputur me pesë pikë diferencë nga Mançester Siti i vendit të dytë duke vendosur kështu kandidaturën për fitimin e titullit kampion.
Me 37 pikë të grumbulluara, skuadra e Mikel Artetës mund të quhet befasia e këtij sezoni në Premier Ligë ku e vetmja humbje e pësuar është ajo në transfertën ndaj Mançester Junajtid. Lojtarët kryesorë të Arsenalit tashmë do të bashkohen me kombëtaret e tyre në Katar dhe pas botërorrit mbetet të shihet nëse djemtë e Artetës mund të vijojnë ecurinë e jashtëzakonshme të këtij sezoni.