Arsenali u rikthye te fitorja duke mundur 2-4 Aston Vilën në transfertë.
Golat e Sakasë, Zinçenkos, autogoli i Martinezit dhe Martinelit zhvlerësuan dy goat e vendasve me Uotkins dhe Kutinjo.
Sfida ishte miaft e luftuar me Arsenalin që tregoi tjetër fytyrë në dallim nga paraqitjet e dobëta në javët e fundit.
Topçinjtë u ngjitën në kuotën e 54 pikëve, ndërkohë që dhurata u erdhi nga rivalët e Mançester Sitit që u ndalën në transfertën ndaj Notingam Forestit në shifrat 1-1. Skuadra e Guardiolës kaloi në epërsi me golin e Silvës, por Notingam barazon pak para fundit me golin e Vud.
Siti ka 52 pikë, dy më pak se Arsenali kryesues që ka dhe një ndeshje të prapambetur për të luajtur ndaj Evertonit.