Trajneri holandez i Liverpulit tha para mediave se drejton një ekip me shumë lojtarë cilësorë të cilët janë të aftë të luftojnë për trofe.
Arne Slot theksoi se dera nuk është e mbyllur për afrime të reja, por edhe nëse diçka e tillë nuk ndodh, organika aktuale mjafton për të rivalizuar më të fortët në Angli dhe Evropë.
“Kam shumë cilësi në ekip, lojtarë me nivel të lartë. Nuk është e lehtë të gjesh lojtarë në merkato që i përgjigjen kërkesave të këtij klubi. Drejtori ynë sportiv po punon për ndonjë afrim të ri, por dhe kështu siç jemi, mendoj se jemi mirë. Ky Liverpul mund të rivalizojë me çdo ekip.” – tha Slot.