Jamal Musiala doli nga fusha i dëmtuar në sfidën e Bajernit ndaj Augsburgut, i ndihmuar nga mjekët e skuadrës.
Drejtori sportiv i Bajernit, Maks Eberl, tha për mediat se Musiala do të mungojë në përballjen e parë çerekfinale të Ligës së Kampionëve në mesjavë ndaj Interit. Ai shtoi se nuk ka garanci që ai do të jetë në fushë as në përballjen e dytë.
“Situata nuk duket e mirë, për fat të keq. Nuk do të jetë për ndeshjen e së martës,” – tha Eberl.
Raportohet se Musiala pësoi tërheqje muskulare, ndërsa koha e riaftësimit mund të jetë 3 deri në 5 javë.
Kundër Augsburgut, vendin e Musialës në formacion e mori veterani Tomas Myler, i cili pritet të jetë titullar edhe ndaj Interit.