Lennart Karl i ka kërkuar falje zyrtarisht Bayern Munich pas komenteve të tij ku pranoi se ëndërron të luajë një ditë për Real Madridin.
Talenti 17-vjeçar ka shkëlqyer këtë sezon në Bundesligë, duke shënuar 6 gola dhe dhënë 2 asistime në 22 ndeshje për Bayernin në të gjitha garat.
Karl, i cili pati një provë me Real Madridin kur ishte 10 vjeç, pranoi kohët e fundit se ëndërron të vishet një ditë me fanellën e klubit spanjoll. Kjo deklaratë shkaktoi polemika dhe reagime të forta në mediat gjermane dhe rrjetet sociale, ku ai u kritikua dhe u etiketua si “tradhtar”.
“Shpresoj që kjo të mbetet mes nesh. Bayern është një klub shumë i madh. Është një ëndërr të luaj atje, por një ditë dua të shkoj te Real Madrid. Ky është klubi im i ëndrrave, por kjo mbetet mes nesh”, u shpreh Karl, i cili ka kontratë me Bayernin deri në vitin 2028.
Pas reagimeve, Karl ka kërkuar falje zyrtarisht për deklaratat e tij dhe për të gjithë ata që ndihen të prekur.