Nga Mehmet Elezi
Dihet fama e madhe e mençurisë së Sokratit në Greqinë e lashtë. Një ditë erdhi dikush të takojë filozofin e madh dhe i tha:
– A e dini se çfarë dëgjova për një mik tuajin?
– Prit një moment, – i tha Sokrati, – para se të më thuash, do të doja të të bëja një test, testin e tre filtrave.
– Të tre filtrave?
– Po, – vazhdoi Sokrati. Filtri i parë është e vërteta. A e keni kontrolluar nëse ajo që do të më thoni është e vërtetë?
– Jo, sapo e dëgjova.
– Pra ti nuk e di, nëse është e vërtetë apo jo. Vazhdojmë me filtrin e dytë, atë të mirësisë. Ajo që do të më thuash për mikun tim, është diçka e mirë?
– Jo, nuk është e mirë.
– Pra, – pyeti Sokrati, – ti dëshiron të më thuash gjëra të këqija për mikun tim dhe nuk je as i sigurt se ato janë të vërteta. Pa të shohim filtrin e tretë, atë të dobisë: A është e dobishme për mua ajo që do të më thuash për mikun tim?
– Besoj se jo.
– Pra, – përfundoi Sokrati, – ajo që do të më thuash nuk qenka as e vërtetë, as e mirë dhe as e dobishme për mua. Atëherë, pse do që të ma tregosh?
(me pak shkurtime nga ObserverKult)