Napoli mundi 2-1 Milanin në shtëpi, duke mbajtur të ndezur garën me Interin për titullin kampion.

Trajneri i napolitanëve, Antonio Konte, u shpreh se triumfi me Milanin ishte jetik për lojtarët e tij në këtë fazë të sezonit. Ai shtoi se tashmë ekipi ka fituar vetëbesimin e duhur për të synuar titullin kampion.

“Fitorja sot ishte thelbësore. Ndeshja tjetër do të jetë shumë e vështirë, pasi do të shkojmë në Bolonjë. Pas 8 muajsh punë, do të ishte çmenduri të mos besosh në diçka të jashtëzakonshme. Përpara nesh është një luftanije që po zhvillon një kampionat më vete. Do të jetë e rëndësishme për ne që të rikuperojmë të gjithë, sepse, nëse i rikuperojmë të gjithë, mund të themi fjalën tonë.

Fitorja e sotme na lejon të përpiqemi të qëndrojmë pranë Interit. Nuk mund të dorëzohemi tani. Interi po ecën fuqishëm dhe ne duhet të përpiqemi të qëndrojmë lart për të marrë ndonjë pikë, nëse ata do të gabojnë” – tha Konte.

By Editor

Leave a Reply

Your email address will not be published. Required fields are marked *