Gjykata e Posaçme e Shkallës së Parë për Korrupsionin dhe Krimin e Organizuar (GJKKO) ndryshoi më 12 shkurt 2025 masën e sigurisë për Ajola Xoxën, bashkëshorten e kryebashkiakut të Tiranës, Erion Veliaj, duke e kaluar nga “arrest në shtëpi” në “detyrim paraqitje”. Ajo duhet të paraqitet çdo të premte të parë dhe të tretë të çdo muaji para policisë.
Për Veliajn, GJKKO konfirmoi masën “arrest me burg”, duke theksuar rrezikun e ndikimit të tij në hetim dhe mundësinë e përdorimit të fondeve për interesa personale.