Italia po përballet me të nxehtin ekstrem dhe me zjarre masive në rajonin e Siçilisë ku me mijëra zjarrfikës janë angazhuar në fikjen e tyre.
Dy ditët e fundit raportohen 6 të vdekur në Siçili, Kalabri e Sardenjë.
Prej tyre, dy të moshuar u dogjën në banesën e tyre në Palermo në pamundësi për t’u larguar nga flakët e një zjarri që shpërtheu në mesnatë pranë banesës së tyre.
Po ashtu, disa punonjës të pylltarisë në këto rajone raportohen të plagosur me dëme serioze në përpjekjet për fikjen e zjarreve, ndërsa një nga punonjësit është në terapi intensive.
Aeroporti i Siçilisë u mbyll përkohësisht, ndërsa autoritetet shtetërore pritet të shpallin gjendjen e jashtëzakonshme në vend.