Ish-trajneri i njohur italian nuk i kurseu elozhet për Karlo Ançelotin në një intervistë për mediat spanjolle.
Fabio Kapelo e vlerëson teknikun e Realit të Madridit si më të mirin në botë, veçanërisht për aftësitë e tij menaxhuese në ekip.
“Ançeloti është trajneri më i mirë në botë, sepse ai di si të menaxhojë ekipin, ai di futbollin, ai di si të vendosë në fushë lojtarët dhe është altruist.
Gjëja më e rëndësishme për një trajner është të kuptojë se çfarë ka në dispozicion, të dijë se ku do të arrijë dhe, nëse nuk e kupton, është një dështim. Ançeloti e kupton këtë në mënyrë perfekte,” – tha Fabio Kapelo.