Me thirrjet “INCA po na vret”, “Kjo fabrikë po na merr frymën” banorët e Lezhës dolën në protestë duke ripërsëritur se jetët e tyre rrezikohen nga fabrika e mbetjeve shtazore.
Banorët kërkuan largimin e fabrikës nga zona e banuar dhe hetim ndaj fabrikës dhe Agjencisë Rajonale të Mjedisit Lezhë.
Protesta nisi përpara kompanisë “INCA” e cila menaxhon fabrikën dhe u mbyll para bashkisë së Lezhës.
Pjesëmarrësit u shprehën se protestat nuk do të ndalen.