BBC raporton se klubi i Ulverhemptonit ka paraqitur në Ligën Angleze një kërkesë për heqjen nga përdorimi të sistemit VAR nisur nga sezoni i ardhshëm.
Klubi në fjalë ka kërkuar një mbledhje të përbashkët të klubeve në Premier Ligë për të shqyrtuar propozimin në fjalë, ndërkohë rapotohet se klubet i janë përgjigjur pozitivisht kësaj ftese.
Ulverhempton pretendon se sistemi VAR po dëmton futbollin klasik anglez dhe po krijon çarje në raportin me tifozët.
Drejtues të Ligës pohuan se mbështesin çdo lloj diskutimi mes klubeve, por sistemi VAR do të vijojë të përdoret me synimim për të përmirësuar gabimet e shfaqura që nga nisja e përdorimit të tij.