Lamine Yamal, talenti 18-vjeçar i Barcelonës, ka folur hapur për vendimin e tij për të përfaqësuar Spanjën në nivel ndërkombëtar dhe për ndikimin që kjo zgjedhje ka pasur mbi karrierën e tij.
Në një intervistë të fundit, Yamal zbuloi se e kishte konsideruar edhe mundësinë e përfaqësimit të Marokut:
“Thellë-thellë, e kam konsideruar të luaja me Marokun. Në atë kohë, Maroku kishte arritur në gjysmëfinalet e Kupës së Botës. Por në momentin e së vërtetës, nuk dyshova kurrë. Me gjithë dashurinë dhe respektin që kam për Marokun, gjithmonë kam dashur të luaj në EURO dhe në Evropë.”
Yamal theksoi se futbolli evropian i ofron më shumë mundësi për t’u vlerësuar dhe për të arritur nivelin më të lartë ndërkombëtar:
“Unë besoj se futbolli evropian shikohet më shumë dhe është më afër nivelit të lartë ndërkombëtar. Dhe lavdi Zotit, bëra këtë zgjedhje. Kjo gjithashtu më afron me Kupën e Botës, me shanse për ta fituar atë…”
Vendimi i tij është parë si një hap strategjik për të ndjekur ëndrrat më të mëdha sportive, duke i dhënë prioritet përvojës dhe ekspozimit në EURO dhe në ligat evropiane, në vend të ndjekjes së një rruge me përfaqësuesen marokene.