Lamine Yamal po përballet me probleme serioze fizike që po e pengojnë të shfaqë potencialin e tij të plotë. Sipas raportimeve nga mediat spanjolle, 18-vjeçari po luan vetëm në rreth gjysmën e kapacitetit për shkak të një dëmtimi në ijë.
Mjeku Pedro Lluis Ripoll ka zbuluar se lojtari vuan nga pubalgjia, një dëmtim kronik që kufizon ndjeshëm lëvizjen dhe forcën e goditjeve të tij. Kjo gjendje u vu re qartë gjatë humbjes 2-1 të Barcelonës ndaj Real Madridit në “El Clasico” të dielën, ku Yamal u duk i ngurtë dhe i kujdesshëm në lëvizje.
Pubalgjia shkakton dhimbje të vazhdueshme në zonën pubike dhe ndikon në mobilitetin e sportistit. Për Yamal, kjo do të thotë humbje e shpërthyeshmërisë dhe kreativitetit, dy elemente që e kanë bërë një prej talenteve më premtues në futbollin europian.
Ekspertët theksojnë se intensiteti i dhimbjes varion, por zakonisht përkeqësohet në ndeshje me ritëm të lartë, si ato që Barcelona ka nevojë për shkëlqimin e tij. Pavarësisht shqetësimeve, lojtari i ri ka zgjedhur të vazhdojë të luajë, duke treguar vendosmëri, por edhe rrezik për përkeqësim të dëmtimit.