Golat e Karim Benzema dhe Marko Asensio i dhanë Realit fitoren 2-0 në çerekfinalen e parë ndaj Çelsit.
Tekniku i bluve të Londrës, Frenk Lampard u shfaq optimist pas sfidës duke shprehur besim se skuadra e tij mund të përmbysë këtë rezultat në përballjen e kthimit.
Lampard vlerësoi paraqitjen e të tijve në “Santiago Bernabeu”, por theksoi se “Stemford Brixh” ka dhuruar gjithmonë befasi në ndeshje delikate.
“Rezultati ishte një realitet, por unë u thashë lojtarëve se gjithçka mund të ndodhë në ndeshjen e kthimit. Në “Stemford Brixh” gjithmonë ka pasur momente të veçanta. Real Madrid është një ekip shumë i forte. Të luash me dhjetë kundër Madridit është e komplikuar, por ajo që kemi bërë është pozitive dhe duhet të merrni gjërat e duhura nga kjo ndeshje. Asgjë nuk është vendosur dhe ne do të përpiqemi. Kemi edhe 90 minuta të tjera. Tifozët do të na ndihmojnë, gjithashtu dhe atmosfera. Ne nuk kemi dhjetë minutat e para, kemi 90 për të rikthyer rezultatin.” – tha Lampard.