Mijëra ushtarë amerikanë nga një njësi e specializuar ajrore kanë filluar të mbërrijnë në Lindjen e Mesme, ndërsa administrata e Presidentit Donald Trump po shqyrton opsionet për të përballuar presionin e Iranit.
Raportohet se trupa të Divizionit të 82-të Ajror, njësi e njohur për ndërhyrje të shpejta dhe operacione në zona të rrezikshme, po i bashkohen forcave ekzistuese në rajon, përfshirë marinsat dhe forcat speciale.
Vetëm gjatë fundjavës, rreth 2,500 marinsa amerikanë kanë mbërritur në rajon, ndërsa dislokimet e reja përfshijnë një brigadë luftarake, komandë operacionale dhe mbështetje logjistike të zgjeruar.
Zyrtarë amerikanë, që folën në kushte anonimiteti, nuk kanë dhënë detaje për vendndodhjen e trupave, por theksojnë se kjo lëvizje synon forcimin e kapaciteteve për operacione të mundshme në të ardhmen.
Aktualisht nuk ka një vendim për dërgimin e trupave tokësore në Iran, por brenda administratës po shqyrtohen skenarë të ndryshëm që mund të përfshijnë veprime më të gjera në rajon.