AC Milan po shqyrton mundësinë e rikthimit të Thiago Silvës në skuadër, sipas raportimeve të mediave italiane. Marrëdhënia e mirë e mbrojtësit brazilian me Zlatan Ibrahimović dhe trajnerin Massimiliano Allegri, si dhe dëshira e tij për t’u afruar me familjen që jeton në Londër shihen si faktorë të cilët mund të çojnë në rikthimin e shtatlartit brazilian në Milano.
Sipas burimeve nga brenda klubit, ideja e Milanit është nënshkrimi i një kontrate gjashtëmujore për të përfituar nga përvoja dhe lidershipi i mbrojtësit brazilian gjatë gjysmës së dytë të sezonit, duke forcuar mbrojtjen dhe duke sjellë stabilitet në skuadër.