Nga Elvis Hoxha
Si një studiues i mirë i historisë, presidenti Macron e njeh miqësinë e ngushtë të Francës me Serbinë në luftën e parë. Pikërisht atëherë kur serbët u bën shkak të shpërthente lufta botërore.
Macroni njeh gjithashtu se Serbia ka një kulturë unike. Këtë lloj cilësimi nuk e di ku e mbështet presidenti. Sepse çdo kulturë mund të jetë e tillë. Por, duke qenë se Macroni është njohës i madh i etnologjisë, duhet të ketë dalluar sigurisht ndonjë element të veçantë të etnisë serbe, diçka që e tejkalon totemin dhe tabunë. Ndoshta ka shquar ndonjë shije të veçantë të serbëve për gjenocid, përdhunim dhe varreza masive.
Presidenti Macron ka vlerësuar edhe shkallën e respektimit të demokracisë në shoqërinë serbe. Natyrisht, ky vlerësim subjektiv mund t’i lejohet. Përderisa vetë është bërë president me diç më shumë se 20 % e votave, demokracia e llojit serb e bën të ëndërroj edhe më mirë për Francën e makronizmit.
Presidenti Macron, me shitjen e avionëve francezë të luftës, po përpiqet të stabilizuar mundësinë e luftës së ardhshme në Ballkan, Natyrisht jo paqëzimin e Serbisë.