Ish-zëvendëskryeministri i parë i Maqedonisë së Veriut, Artan Grubi, është dorëzuar mëngjesin e së hënës në vendkalimin kufitar Bllacë, pasi ndaj tij ishte lëshuar një fletë-arrest ndërkombëtar.
Sipas mediave lokale, Ministria e Punëve të Brendshme e Maqedonisë së Veriut njoftoi se Grubi u paraqit rreth orës 06:10 dhe u privua menjëherë nga liria për procedurat e mëtejshme ligjore.
Më 7 janar, ish-zyrtari i lartë i Bashkimi Demokratik për Integrim ishte parë në Prishtina, në një zonë pranë qendrës së kryeqytetit të Kosovës, i shoqëruar nga dy fëmijë. Ai ishte i veshur me xhup dimri, rroba dhe kapelë sportive, ndërsa kishte lënë edhe pak mjekër.
Kujtojmë se më 16 dhjetor 2024, Prokuroria për Ndjekjen e Krimit të Organizuar dhe Korrupsionit e Maqedonisë së Veriut hapi hetim ndaj tij për dyshime mbi keqpërdorime serioze me tenderë në “Lotarinë Shtetërore”. Pas nisjes së hetimeve, u raportua se Grubi kishte braktisur vendin.