Kryeministri i Izraelit, Benjamin Netanjahu, ka reaguar përmes një videoje në platformën X (Twitter) për të përgënjeshtruar lajmet që qarkullonin në rrjetet sociale se ai ishte vrarë në një sulm nga Irani.
Në video, Netanjahu ironizoi thashethemet duke thënë se është “i vdekur… vetëm për kafe”, ndërsa tregoi duart për të dëshmuar se është mirë, pas pretendimeve se një konferencë e tij për shtyp ishte krijuar me inteligjencë artificiale.
“E dua kombin tim për vdekje, mënyrën se si sillen”, u shpreh ai me humor, duke iu referuar reagimeve dhe spekulimeve që u përhapën në internet.
Kryeministri izraelit u bëri thirrje qytetarëve të dalin për pak ajër të pastër, por të qëndrojnë pranë strehimoreve për shkak të situatës së tensionuar të sigurisë. Ai premtoi gjithashtu se qeveria do të përpiqet të lehtësojë sa më shumë kufizimet mbi aktivitetet e përditshme.
Më herët, zyra e kryeministrit kishte hedhur poshtë zyrtarisht pretendimet për vdekjen e Netanjahut, duke i cilësuar ato si lajme të rreme dhe duke theksuar se Netanjahu është në gjendje të mirë.