Drejtuesit e ish-Ushtrisë Çlirimtare të Kosovës, Hashim Thaçi, Kadri Veseli, Rexhep Selimi dhe Jakup Krasniqi do të dalin të hënën përpara Gjykatës Ndërkombëtare të Hagës për Krime Lufte.
Ish-krerët e UÇK-së akuzohen për krime lufte gjatë konfliktit në Kosovë nga marsi i 1998-ës-ës deri në qershor të 1999-ës.
Prokuroria Speciale e Hagës publikoi një muaj më parë aktakuzat për Thaçin, Veselin, Selimin dhe Krasniqin, të cilët akuzohen për krime mbi baza etnike, ku përfshihet vrasja dhe zhdukja e civilëve serbë.
Më 3 Prill, ata do të njihen me akuzat, ndërsa 8 ditë më pas nis dëgjimi i mbi 300 dëshmitarëve.
Procesi i paraqitjes së provave pritet të zgjasë deri në muajin prill të vitit të ardhshëm, periudhë gjatë së cilës ish-krerët e UÇK-së do të vijojnë të qëndrojnë në burgjet e Hagës.