Organizatorët e ceremonisë hapëse të Lojërave Olimpike që po zhvillohen në Paris u kritikuan për një nga episodet e revolucionit francez, sidomos për atë Ca ira- poezi e Carduccit ne 12 sonete.
GIOSUE CARDUCCI – ÇA IRA
Përpara!
III
Nga pallati Tuljeri i Katerinës
Ku Luigji u përgjunjej për lumnime
Etënve, e kalorëve bretanë tinës
Mbretnesha u niste gaz lot e shestime,
Përmes mjegullimit e zabullimës
Ngrehet me ndodhí as gas as trishtime
Nji trajtë, që boshtin dredh e zhdredh errsinës
E me furkë cek të lartat rrozullime.
E tjerr, e tjerr, e tjerr. E natë për natë
Në dritë të hanës e të yjve atbotë
Plaka tjerr, e kurrë kapitja s’e ngop.
Brunsvvek avitet, e në kryeradhë përgjatë
Atij, trekambëshi: e me vjerrë kte skotë
Kryeneçe frange u dashka shumë konop.
VI
Mbi bashki qytetit i zi flamuri
– Matanë – i thotë diellit dhe dashunisë:
Topi gjëmon, në atë heshti qivuri,
Minut më minut behja paraprin
Topi gjëmon. Në kte heshti prej guri
Përmes lajmit me orë të tana teptisë
Të gjan populli: sekush nji mëndim nguri
– Të rrojë sot Atdheu, vdekja të stolisë.
Fytyra dantoni, i zbehtë, përbind,
Tërbim grash tërthuer, duke shkelmue
Njomzakët zbathë marazit armatosë
Murati n’ajrin mugëllim, vren gjind
Tubë tubë me kosa këlliç tue rravgue
E gjak pizgat ngado që janë plandosë.
Perktheu: Leka Ndoja