Hugo Loris nuk e mendon humbjen në finale e nesërme përballë Argjentinës. Gardiani i portës franceze shprehet optimist se skuadra e tij do arrijë të triumfojë përballë albiçelestëve.
Duke folur në konferencën për shtyp para finales së madhe, Loris theksoi se Argjentina ka një brez të mirë lojtarësh dhe se kundërshtari nuk është vetëm Lionel Mesi duke mos kursyer dhe fjalët e mira për kapitenin e argjentinasve.
“Argjentina dhe Franca janë dy përfaqësuese të mëdha në futboll. Sigurisht kur ke përballë një lojtar si Mesi duhet shumë përqendrim, por siç e thashë, Argjentina nuk është vetëm Mesi. Ata kanë një brez të mirë lojtarësh, por mos harrojmë se ne jemi Franca.”-u shpreh Loris.