Arabia Saudite i dha një leksion historik Argjentinës duke fituar me shifrat 1-2. Sauditët zhvilluan një ndeshje të madhe duke treguar personalitet dhe shpirt të lartë gare. Lionel Mesi i dha avantazhin argjentinasve pasi shënoi nga pika e bardhë e penalltisë. Sauditët nuk dekurajohen duke u hedhur në sulm në kërkim të barazimit të cilin e gjejnë me anë të Al Shahri.
Goli i dytë vjen nga Al Dasri i cili mposht portierin Martinez me një goditje të bukur nga jashtë zonës. Argjentina u përpoq të reagonte, por skuadra e Skalonit nuk ishte e qartë në manovren sulmuese. Kjo humbje e ndërlikon shumë pozitën e Argjentinës në grup, pasi dy sfidat e radhës janë përballë kundërshtarëve si Polonia dhe Meksika.