Serbia ka importuar më së shumti armë të sofistikuara në Ballkanin Perëndimor gjatë pesë viteve të fundit, sipas të dhënave të Institutit Ndërkombëtar të Stokholmit për Kërkime dhe Paqe (SIPRI). Edhe pse të gjitha vendet e rajonit kanë rritur shpenzimet ushtarake, Serbia mbetet qartë lider për nga vlerat e importeve.
Renditja globale: Serbia është e 37-ta për importe të sistemeve komplekse të armëve, duke lënë pas edhe Kroacinë dhe Bullgarinë.
Shpenzimet për kokë banori (2024):
Serbia – 343.7 USD
Mali i Zi – 234.8 USD
Maqedonia e Veriut – 193.5 USD
Shqipëria – 191.1 USD
Kosova – 97.9 USD
Bosnja-Hercegovina – 67 USD
Katarina Gjokiq nga SIPRI shpjegon se Serbia ka investuar kryesisht për të ripërtërirë armët e trashëguara nga Jugosllavia, ndërsa tensionet me Kosovën kanë nxitur nevojën për një arsenal më të fuqishëm si kartë negociuese.
Serbia ka importuar armë nga 13 vende, me Kinë si furnizues kryesor (veçanërisht për mbrojtjen ajrore), dhe ka marrë gjithashtu donacione të mëdha nga Rusia dhe Bjellorusia.
Shqipëria renditet e dyta në rajon, por e 103-ta në botë, me importet gjashtë herë më të ulëta se Serbia. Kosova është e 118-ta, Maqedonia e Veriut e 138-ta, Bosnja e 144-ta dhe Mali i Zi i 152-ti nga 166 blerës të armëve.
Presidenti serb, Aleksandar Vuçiq, ka njoftuar se do të dyfishojë kapacitetin ushtarak të Serbisë brenda një viti e gjysmë.