Legjenda e Milanit, Andrij Shevçenko tha për Lega Seria A se skuadra e Stefano Piolit po tregon rritje të vazhdueshme në paraqitjet e saj çka tregon se synimet për trofe do të motivojnë grupin deri në fund të sezonit.
Sheva nuk i kurseu elozhet për Rafael Leaon. Sipas tij, portugezi i Milanit është lojtar unik me cilësitë e tij dhe tashmë ai ka dëshmuar se di të tërheqë skuadrën si lideri i saj në fushë.
“Rafa ka personalitet të një niveli tjetër, ka atë diçka me të cilën arrin të fitojë dashurinë e njerëzve. Pasioni që ai transmeton, gjestet teknike, driblimet, që njerëzve u pëlqen të shohin në stadium.” – u shpreh ai.