Qytetarët u mblodhën sërish në një protestë para ministrisë së Shëndetësisë duke kërkuar dorëheqjen e ministres Albana Koçiu pas asaj çka ndodhi në spitalin Onkologjik ku disa mjekë u arrestuan pët shpërdorim detyre dhe korrupsion.
Sipas protestuesve, ministrja nuk mund të vijojë qëndrimin në detyrë pas një skandali të tillë, ndërkohë që theksuan se në spital vijon të ketë mungesë barnash dhe të sëmurë që detyrohen të presin në radhë për një kohë të gjatë.