Revista gjermane Der Spiegel ka raportuar për një histori të tmerrshme gjatë luftës në Bosnjë e Hercegovinë, të quajtur “safari njerëzor” në Sarajevë. Raporti përshkruan se persona nga Europa paguan snajperistët serbë për të qëlluar mbi civilë të pafajshëm.
Libri i Ezio Gavazzani përmend 230 italianë, si dhe francezë, belgë dhe austriakë, të dyshuar për pjesëmarrje në këto sulme. Gjykatësi në pension, Guido Salvini, ngriti padi në Milano kundër personave të panjohur për “vrasje me motive të ulëta”.
Raporti rikthen edhe akuzat ndaj Aleksandar Vuçiqit, i cili dyshohet se si vullnetar lufte ka qenë i përfshirë në aktivitete pranë varrezave hebraike në Sarajevë dhe ka bashkëpunuar me snajperistët e huaj. Vuçiq mohon këto akuza, duke theksuar se ka qenë vetëm gazetar dhe përkthyes.
Dëshmitë e ish-ushtarëve dhe dokumentet e publikuara nga gazetarë si Domagoj Margetiç flasin për pjesëmarrjen e tij dhe për pagesat që shkonin për snajperistët. Snajperistët merrnin gëzhoja si “trofe”, të koduara me ngjyra sipas moshës dhe gjinisë së viktimave.
Autori i shkrimit përmend gjithashtu rolin e ish-shefit Jovica Stanišić, si figurë kyçe në organizimin e “safarive”, si dhe ndërhyrjen e ish-autoritetit amerikan në raste të tjera gjatë konfliktit.
Politikanë boshnjakë kërkojnë hetim ndërkombëtar për këto ngjarje, duke vlerësuar se institucionet lokale nuk kanë sqaruar plotësisht “çfarë ndodhi në të vërtetë”. Dëshmitë dhe hetimet nga gazetarë gjermanë dhe italianë tregojnë një situatë të tmerrshme të shfrytëzimit të civilëve si “objekt gjahu”.