Reali i Madridit fitoi 2-1 derbin e parë ndaj Atletikos në përballjen me eliminim në Champions, në një sfidë shumë të luftuar.
Një nga më të mirët për Realin ishte Luka Modriç, i cili e nisi ndeshjen nga stoli në minutën e 62-të.
ESPN pati një përshkrim të veçantë për veteranin kroat, i cili po i mahnit të gjithë pavarësisht moshës së tij.
“Edhe pse hyri kur rezultati ishte 2-1 dhe nuk ndryshoi diçka rrënjësore, njerëzit do të thonë se Modriç, ai kroati i mençur, i përjetshmi, magjiku, ‘ndryshoi lojën’. Ndoshta po. Ndoshta ritmi, Reali e kontrolloi topin ndryshe, ky është një fakt.
Por të shikosh Modriçin është si të shikosh lulet e vyshkura dhe të lodhura në buzë të shkretëtirës që kthehen në jetë nga shirat e parë të vjeshtës. Kur maestro 38-vjeçar i Madridit doli në fushë, ishte sikur Robert De Niro të merrte rolin kryesor në një film.
Të gjithë e dinë që ‘më i miri’ sapo ka hyrë në skenë, të gjithë e dinë që ai do të spikasë dhe do të luajë shkëlqyeshëm atë që ka bërë përjetësisht. Të gjithë e dinë se ata që e rrethojnë do të përfitojnë nga loja e tij.
Modriç i dha jetë të re çdo lojtari me fanellën e bardhë. Nuk është gjithmonë spektakolare, por është qetësuese për ta parë. Ju e dini se ka një fuqi më të lartë në punë në fushë, ju e dini se ishte gjëja e duhur për të besuar, dhe ju shihni se ekipi gjen besim përsëri,” – thekson ESPN.