Përfaqësuesja e lartë e Bashkimit Evropian për Politikë të Jashtme dhe Siguri, Kaja Kallas, ka përzgjedhur diplomatin danez për të marrë vendin e Mirosllav Lajçak në dialogun mes Kosovës dhe Serbisë.
Ministrat e Jashtëm të Bashkimit Evropian do të japin aprovimin final të hënën, në mënyrë që Peter Sorensen të nisë punën në fillim të shkurtit.
Peter Sorensen është diplomat me përvojë dhe njohës i çështjeve ballkanike. Ai ka shërbyer më parë në administratën e UNMIK-ut në Kosovë, ndërsa pjesë e punës së tij kanë qenë edhe funksionet diplomatike në Sarajevë, Beograd dhe Shkup.