Komisioni Qendror i Zgjedhjeve në Kosovë ka njoftuar se deri më tani janë numëruar 89.26% e votave. Sipas rezultateve paraprake, Lëvizja Vetëvendosje kryeson me 41.10% të votave, që përfaqësojnë 309,641 vota. Në vendin e dytë renditet Partia Demokratike e Kosovës me 22.19% ose 167,168 vota, ndërsa Lidhja Demokratike e Kosovës mban vendin e tretë me 17.62% ose 132,767 vota.
Aleanca për Ardhmërinë e Kosovës dhe Nisma Socialdemokrate kanë grumbulluar së bashku 7.61% të votave, që përbëjnë 57,352 vota. Lista Serbe ka siguruar 4.02% të votave ose 30,255 vota, ndërsa Koalicioni për Familje ka marrë 2.30% ose 17,319 vota.
Numërimi i votës së diasporës, i cili përfshin votat e dërguara me postë dhe ato të hedhura në ambasadat dhe konsullatat e Kosovës më 8 shkurt, pritet të fillojë pas përfundimit të procesit të numërimit brenda vendit. Rezultatet përfundimtare do të përcaktojnë përbërjen e re të Kuvendit të Kosovës.