Rreth orës 5:00 të mëngjesit të sotëm, ekipet e kërkimit arritën të gjejnë trupin e Arben Anamalit pas 48 orësh kërkime.
51-vjeçari u mbyt në përpjekje për të shpëtuar jetët e dy turistëve të cilët ishin hedhur në liqenin e Shkodrës.
Anamali ia doli të shpëtojë turistët duke sakrifikuar jetën e tij.
Anamali ishte kapiten i një prej anijeve që Bashkia e Shkodrës ka vënë në dispozicion të turistëve për lundrim në liqen.
51-vjeçari ishte baba i dy fëmijëve, ndërsa dy turistët e shpëtuar prej tij raportohen në gjendje të mirë shëndetësore.