Departamenti Amerikan i Drejtësisë publikoi të premten mijëra faqe me foto dhe prova që lidhen me Jeffrey Epstein, i dënuar për krime të rënda, duke përfshirë imazhe të Bill Clinton me Ghislaine Maxwell dhe figura të tjera të njohura.
Ish-presidenti Bill Clinton reagoi ashpër ndaj publikimit, duke sqaruar se kjo nuk është një përpjekje për ta mbrojtur atë, por një tentativë nga administrata Trump për të fshehur informacione të tjera.
Sipas zëdhënësit të Clinton, Shtëpia e Bardhë ka mbajtur këto dosje për muaj me radhë, dhe publikimi i tyre i vonuar nuk lidhet me mbrojtjen e Clinton, por me tentativën për të mbuluar fakte që mund të dalin në dritë më vonë.
BBC raporton se Clinton akuzon përpjekjet për ta fajësuar atë, duke i vënë theksin tek ata që po përpiqen të shmangin pasojat e veprimeve të tyre. Zëdhënësi shton se ekziston një dallim midis atyre që ndërprenë lidhjet me Epstein pas zbuluarjes së krimeve të tij dhe atyre që vazhduan të mbanin kontakte me të.