Presidenti i Barcelonës, Joan Laporta, ka konfirmuar se do të japë dorëheqjen nga posti i tij të hënën, më 9 shkurt 2026, për t’u bërë zyrtarisht kandidat në zgjedhjet presidenciale të planifikuara për të dielën, më 15 mars 2026.
Në një deklaratë të publikuar përmes kanaleve zyrtare të klubit, Laporta sqaroi se, sipas statutave të Barcelonës, ai dhe disa anëtarë të bordit duhet të japin dorëheqjen për të kandiduar.
Nënkryetari Rafael Yuste dhe një grup tjetër drejtuesish do të vazhdojnë të menaxhojnë punët e përditshme dhe të mbikëqyrin procesin zgjedhor.
Laporta bëri njoftimin ndërsa ishte në udhëtim me ekipin e parë për ndeshjen e çerekfinales së Copa Del Rey ndaj Albacete. Ai gjithashtu konfirmoi se trajneri Flick do të qëndrojë në detyrë “deri sa ta dëshirojë vetë”.
Duke folur për fushatën e ardhshme, Laporta u shpreh “i emocionuar dhe energjik”, duke shpresuar për një pjesëmarrje të lartë dhe një proces zgjedhor të drejtë dhe korrekt për të gjithë anëtarët e klubit.
Ai pranoi kandidaturat e tjera të shpallura ose të mundshme, përfshirë Victor Font, Marc Ciria, Xavi Vilajoana dhe Joan Camprubi Montal, duke i ftuar të gjithë të prezantojnë propozimet e tyre me respekt.