Emri i legjendës së futbollit francez, Franck Ribery, ka dalë në dritë në dokumentet e lidhura me skandalin e Jeffrey Epstein. Ish-ylli i Bayern Munich përmendet gjashtë herë në dosjet që drejtësia amerikane publikoi këtë muaj, të cilat zbulojnë lidhje mes multimilionerit dhe disa figurave të njohura.
Në dokumente, Ribery citohet në një deklaratë të atribuar një pale të tretë, që përshkruan incidente të dhunshme dhe një rrjet prostitucioni. Një nga pasazhet thotë se ish-futbollisti kishte siguruar informacionet personale të dëshmitarit dhe se policia e kishte ndaluar dhe shoqëruar përsëri te makina e tij.
Fragmentet e tjera të dokumentit tregojnë për perceptimin e dëshmitarit mbi aktivitetin e rrjetit të prostitucionit dhe për përfshirjen e personave të lidhur me të. Emri i Ribery shfaqet për herë të parë në faqen 26 të dosjes së publikuar nga Departamenti Amerikan i Drejtësisë.