Përplasjet politike në Kosova janë thelluar pas dekretit të presidentes Vjosa Osmani për t’i dhënë fund legjislaturës së 10-të të Kuvendit. Çështja tashmë pritet të shqyrtohet nga Gjykata Kushtetuese e Kosovës, e cila mund të vendosë edhe për një masë të përkohshme.
Partia në pushtet, Lëvizja Vetëvendosje, e ka kontestuar dekretin duke e cilësuar atë antikushtetues dhe e ka dërguar për interpretim në Gjykatën Kushtetuese.
Në anën tjetër, Partia Demokratike e Kosovës e konsideron vendimin e presidentes si plotësisht në përputhje me Kushtetutën, duke akuzuar Vetëvendosjen për keqinterpretim të saj dhe për krijim të krizave institucionale.
Deputeti i PDK-së, Përparim Gruda, deklaroi se shpërndarja e Kuvendit është pasojë kushtetuese në rast se ky institucion dështon të zgjedhë presidentin brenda afatit 30-ditor të parashikuar.
Ndërkohë, nga Vetëvendosje është kundërshtuar ky interpretim. Shefja e Grupit Parlamentar të kësaj partie, Arbërie Nagavci, e cilësoi vendimin e presidentes një akt të paprecedent dhe në kundërshtim me rendin kushtetues.
Sipas saj, partia i është drejtuar Gjykata Kushtetuese e Kosovës duke kërkuar edhe vendosjen e një mase të përkohshme për të kufizuar efektet e dekretit deri në marrjen e një vendimi përfundimtar.