Kuvendi pritet të vendosë sot për kërkesën e lidhur me dhënien e autorizimit për arrestimin e zëvendëskryeministres dhe ministres së Infrastrukturës, Belinda Balluku. Megjithatë, ajo nuk është paraqitur në seancën plenare dhe nuk ka kërkuar të marrë fjalën para deputetëve.
Gjatë seancës, kryetari i Kuvendit bëri të ditur se Balluku nuk kishte paraqitur kërkesë për të folur në sallë. Pas kësaj, fjala iu dha deputetit të opozitës.
Ndërkohë, në seancë janë vërejtur edhe mungesa nga radhët e shumicës, mes tyre disa deputetë të rëndësishëm të koalicionit qeverisës.