Ambasadori gjerman në Kosovë, Jorn Rohde u shpreh kundër propozimit që KFOR-i të marrë nën kontroll veriun e vendit.
Rohde nënvizoi në emisionin “KallzoPërnime” se përgjegjësia e zbatimit të ligjit së pari i përket Policisë së Kosovës, ndërsa KFOR-i dhe EULEX-i janë aty për të mbështetur.
“Mendoj se të gjitha deklaratat tona e kanë bërë të qartë këtë javë se Kosova është një vend sovran. Policia e Kosovës është institucion për zbatimin e ligjit në Kosovë e mbështetur nga KFOR-i dhe EULEX-i”- ka thënë ambasadori gjerman.