Autoritetet britanike të shëndetësisë kanë raportuar një tjetër rast të dyshuar me hantavirus, i lidhur me shpërthimin e infeksionit në anijen turistike “MV Hondius” në Atlantikun Jugor.
Sipas Agjencisë Britanike të Sigurisë Shëndetësore (UKHSA), personi i dyshuar është një shtetas britanik që aktualisht ndodhet në ishullin Tristan da Cunha.
Më herët, dy britanikë të tjerë u konfirmuan si të infektuar gjatë monitorimit të situatës në bordin e anijes turistike.
Autoritetet shëndetësore po vijojnë hetimet dhe gjurmimin e kontakteve për të parandaluar përhapjen e mëtejshme të virusit.