Arsenali është kampion i Anglisë për herë të parë që nga viti 2004, kur skuadra legjendare e Arsene Wengerit mbylli sezonin e pamposhtur. Titulli u konfirmua pasi Manchester City barazoi 1-1 në fushën e Bournemouth, duke i hapur rrugën “Gunners” drejt krenarisë së madhe.
Ky është kulmi i një pune të jashtëzakonshme të Mikel Artetës, i cili e mori drejtimin e Arsenalit në dhjetor 2019 dhe e shndërroi gradualisht në një skuadër kampione. Tri sezone radhazi Arsenali mbylli si nënkampion, por këtë herë skuadra spanjolle nuk u lëkund, pavarësisht presionit të madh nga City që e ngushtoi epërsinë deri në minimum pas fitores në “Etihad” në prill.
Në pesë ndeshjet vendimtare të fundit, Arsenali doli më i forti — katër fitore radhazi pa pësuar gol, duke kulmuar me triumfin 1-0 ndaj Burnleyt të hënën. City nga ana e tij “u lëkund” i pari me barazimin ndaj Evertonit, duke i dhënë Arsenalit pikët e nevojshme për titull.
Trofeun e Premier Ligës Arsenali do ta ngrejë lart në “Selhurst Park” të dielën, pas ndeshjes së fundit të sezonit ndaj Crystal Palace.
Por sezoni nuk ka mbaruar ende për “Canoniers”. Më 30 maj, Arsenali do të përballet me Paris Saint-Germain në finalen e Ligës së Kampionëve, me mundësinë për të realizuar një nga arritjet më të rralla në futbollin anglez — fitimin e dublës kampionat dhe Kupë Evrope në të njëjtin sezon.