Manchester City ka konfirmuar Enzo Marescan si trajnerin e ri të skuadrës, duke i dhënë fund spekulimeve për pasardhësin e Pep Guardiolës pas 10 vitesh të jashtëzakonshme në krye të klubit anglez.
Italiani nuk është i panjohur për “Citizens” — Maresca ka punuar më parë në Manchester City si asistent i Guardiolës, si dhe në Akademinë e klubit. Ky background e bëri atë kandidatin ideal në sytë e drejtuesve të City, të cilët e kanë parë prej kohësh si zgjedhjen e duhur për të vazhduar filozofinë e lojës së ndërtuar nga Guardiola.
Marrëveshja me Marescan është finalizuar, me italianin që vjen pas një eksperience të suksesshme si trajner i Chelsea, ku la përshtypje të mira me stilin e tij të lojës.
Era e re në Manchester City fillon me shumë pritje, ndërsa tifozët shpresojnë që Maresca të vazhdojë traditën fituese të ndërtuar nga Guardiola gjatë një dekade dominimi në futbollin anglez.