Gazetari Mero Baze ka publikuar një artikull kritik ndaj një grupi protestuesish, të cilët ai i quan “Vezëvendosja”, duke i akuzuar për nxitje të linçimit publik ndaj gazetarëve, politikanëve dhe figurave të njohura.
Sipas Bazes, sulmet verbale dhe fizike ndaj kundërshtarëve politikë, si edhe ndaj përfaqësuesve të medias, janë pjesë e një strategjie për të provokuar reagime dhe për të krijuar kauza të reja politike.
Në përfundim të shkrimit, ai shprehet se “Shqipëria nuk është gati të kthehet në kufomë për të ushqyer këtë racë injorantësh, dhunuesish perversë dhe kamikazësh”, ndërsa “Vezëvendosjen” e cilëson si “një klloçkë që nuk prodhon flamingo, por korba që duan kërma”.