Federico Valverde po kalon një nga momentet më të vështira te Real Madridi, pas përplasjes së fortë me Aurélien Tchouaménin dhe tensioneve që kanë shpërthyer brenda klubit. Sipas raportimeve, situata ka ndikuar rëndë në gjendjen e tij emocionale dhe ka hapur diskutime për të ardhmen e tij.
Gjatë një debati në ambientet e klubit, Valverde raportohet se ka thënë se “nuk do të luajë më kurrë për Real Madridin”, një deklaratë e nxitur nga frustrimi dhe presioni i një sezoni të vështirë. Më pas, ai ka kërkuar falje për reagimin e tij, duke pranuar se ishte i nxituar.
Klubi ka ndërhyrë menjëherë, duke hapur një hetim të brendshëm dhe duke vendosur masa disiplinore ndaj të dy lojtarëve, ndërsa marrëdhëniet mes tyre janë tensionuar pas incidentit.
Pavarësisht gjithçkaje, burime pranë klubit theksojnë se Valverde ende nuk ka marrë një vendim përfundimtar për të ardhmen e tij, por situata e fundit ka hapur seriozisht mundësinë e largimit.