Kancelari gjerman Friedrich Merz deklaroi se nuk i sheh më Shtetet e Bashkuara si “tokën e mundësive”, duke thënë se nuk do t’u këshillonte fëmijëve të tij të studionin apo të punonin atje për shkak të klimës sociale që, sipas tij, po ndryshon me shpejtësi në një vend thellësisht të polarizuar.
Merz shtoi se edhe njerëzit më të arsimuar në Amerikë po e kanë gjithnjë e më të vështirë të gjejnë punë, duke theksuar se admirimi i tij për SHBA-në “për momentin nuk po rritet”.
Komentet shkaktuan reagim të menjëhershëm nga kampi i Donald Trumpit, ndërsa tensionet mes Berlinit dhe Uashingtonit janë shtuar kohët e fundit për shkak të mosmarrëveshjeve mbi tregtinë, ndihmën ushtarake për Ukrainën dhe pasojat e veprimeve ushtarake në Iran.