Haris Fakiç tha në emisionin: “Elite Show” se Ernest Muçi së shpejti do të transferohet në një ekip të madh në një nga kampionatet më të forta të Evropës.
Agjenti i sulmuesit theksoi se paraqitjet e Muçit me Shqipërinë dhe sidomos me Legian e Varshavës e kanë shndërruar atë në prioritet në merkaton e disa klubeve.
“Është një lojtar shumë i kërkuar nga klube të ndryshme, falë edhe paraqitjeve të shkëlqyera që ka bërë me klubin e Legias së Varshavës. Besoj se shumë shpejt do të jetë në një ekip shumë të madh dhe do të jetë një transferim shumë i merituar. Nuk mund të them një emër konkret, pasi janë disa klube, por do të transferohet në një nga 5 kampionatet më të forta të Evropës.”- deklaroi Fakiç.