Jasir Asani dhuroi një tjetër perlë ndaj Çekisë duke hapur serinë e golave në fitoren 3-0 që e afron Shqipërinë me një këmbë në Euro 2024. Asani reagoi pas sfidës në rrjetet sociale duke shkruar se fitorja ishte për tifozët dhe se rrugëtimin për në Gjermani do e kenë së bashku.
‘Fitore e madhe! Fitore e merituar! Ju e meritonit një dhuratë të tillë. Na mbështetët në çdo transfertë e në çdo ndeshje!
Bashkë, do të ikim në Gjermani! Faleminderit për mbështetjen e jashtëzakonshme dhe motivimin që na keni dhënë. Për Shqipërinë Jeto, Lufto, Fito Federata Shqiptare e Futbollit.” – shkruan Jasir Asani.
Djaloshi nga Shkupi ka shënuar tre gola spektakolarë në këtë fushatë elemininatore ndaj Moldavisë, Polonisë dhe Çekisë.